اعتبرته اغلى صديق

كل من حولي ابتعد.. مابقى منهم احد..
كلهم راحو بعيد .. لاعضيد ولاسنـد..
في الرخى ياكثرهم .. حولي وما اعدهم..
بس لين احتجت لهم.. كني ماعندي احد..

بلا سبايب هاجرو.. واتركوني ومادرو
حتى اعز الناس راح.. صار مايسأل علي
حتى اعز الناس راح.. صار مايسأل بعد
لا اتصال ولا خبر.. لا رساله ولا عذر
راح ماقال الوداع.. وانا في هم وجلد
صار مايسأل علي.. صار مايسأل بعد

كنت احسب انه رفيق.. واعتبره اغلى صديق
قد زرعت الطيب فيه ..ومات زرعي وما انحصد
غاب عني وماسأل.. والأكيد انه رحل
انكر العشره وراح ..وافترقنا للأبد
وافترقنا للأبد وانتهينا للأبد
وافترقنا للأبد وانتهينا للأبد